LAOAG CITY – Kaaduan kadagiti masikog ket makapaspasar ti perinatal depression.
Daytoy ti period nga adda iti 20th – 28th week ken dumanon pay iti uppat a lawas kalpasan a makapasngay ket makarikna pay laeng ti depresyon.
No ti maysa a babai ket masikog, amin nga emosyon ket mariknana. Addaanda ti mood disorder a kabayatan a masikog agingga nga agpasngay ket narigat a maawatan ti mood dagitoy.
Adu ti kayatna a saoen ti depresyon ken maysa a peggad daytoy para kadagiti babbai nga addaan ti dakkel a problema a mabalin a mangitunda ti pannakatay.
Basar iti panagadal, ti nalabes a ladingit ti maysa a masikog ket no agpasngay nga adda ti sakit ti anakna gapu ta maapektaran latta ti sikog ti ina dagiti mapaspasaranna.
Naammoan a ti depresyon ket maysa kadagiti most common serious complications ti panagsikog. Basar iti panagadal ti 2021 Journal of Women’s Health, ti Perinatal depression ket makaapektar ti 20% para iti babbai, maibasar iti Cleveland Clinical Journal of Medicine.
