LAOAG CITY – Inadmitir ti coach ti Gilas Pilipinas a ni Coach Tim Cone a saan a naplastar ti inpakita nga ay-ayam ti koponan kalpasan a naabak ti sumagmamano a nagsasaruno a laban.
Segun iti coach ti national team, nagkurangda iti performance ken saan a nagbalin a naurnos iti inaramidda a depensa kadagiti naglabas nga ay-ayam.
Maipalagip a naabak ti Gilas Pilipinas kontra iti koponan ti New Zealand, Chinese Taipei, Lebanon ken Egypt.
Kabayatanna, iti baet a nagsasaruno ti pannakaabak ti nailian a koponan, positibo met nga inburay ni Coach Tim Cone a dagiti pannakaabakda ket agserbi nga adal tapno ad-adda nga ipursigeda pay kadagiti sumaruno a laban.
