LAOAG CITY – Pinalagipan ti Supreme Court (SC) dagiti opisina ti gobierno a ti pannakaidatag ti guidelines para iti media accreditation, saan a nasken a paigetan ti kangrunaan a constitutional right to freedom, right to speech, expression ken press.
Inpetteng ti Korte Suprema a ti mairuruar a guidelines ken procedures para iti media accreditation ken saan a nasken nga usaren tapno malabsing ti karebbengan ti media.
Daytoy ti nakailanad iti desision ti SC En Banc kalpasan a naibasura ti petition for prohibition dagiti agirakrakurak kontra iti dati a Bureau of Customs Commissioner Rozzano Rufino Biazon.
Naibasura iti nasao a petision gapu iti panagbalin a moot ken academic gapu ta idi tawen 2011 pay laeng idi inbabawi ti Bureau of Customs ti makukuestionaran a memorandum.
Immunan a naiparuk-at ti nasao a memorandum tapno ikkaten ti illegitimate media.
Kalikagum ti Bureau of Customs a sigurdoen a dagiti laeng bona fide media professionals ti makastrek iti Bureau of Customs.
Nupay kasta, inptteng ti Korte a ti guidelines para iti panangisyu ti media accreditation ket nasken a saan a kontra iti constitutional rights ti maysa nga agirakrakurak.
Immunan nga inpetteng dagiti petitioner a Tri-Media Association, Inc. ken Customs Media Association a ti memorandum ket katukad ti censorship isu a maysa daytoy a nalawag a panaglabsing iti freedoms of expression, of speech ken of the press.
