LAOAG CITY – Inpakaammo ni Mr. Arthur Valente, Provincial Fishery Coordinator nga adda ti epekto ti panagbaliw-baliw ti panawen kadagiti lames.
Segun kenkuana, no napudot ket marigatanda nga umanges gapu ta maibilang dagitoy a cold blooded idinto a no met nalamiis ken agtudo ket posible a maawan ti dissolved oxygen wenno ti oxygen nga adda iti danom.
Inlawlawagna a no agtudo ket posible nga aglibeg ti danom a kaaduan kadagiti lames ket saanda a dumakkel wenno matay dagitoy nupay adda dagiti lames a kabaelanda ti agbiag uray nalibeg.
Innayonna nga awan pay dagiti report iti opisinada nga adda dagiti natay a lames gapu iti panagbaliw-baliw ti paniempo.
