LAOAG CITY – Naarestar ti maysa a construction worker iti naiwayat a drug buy-bust operation iti siudad ti Laoag.
Ti suspek key agtawen ti 26, awanan asawa ngem adda live-in partner-na, construction worker ken residente masao metlaeng a siudad.
Nakumpiskar manipud iti suspek ti 9.1 a gramo ti mapapati a shabu a mappa-patta nga aggatad ti PhP61,880.00 a naikabil iti pito a heat-sealed transparent plastic sachet.
Malaksid iti daytoy, nakumpiskar pay iti suspek ti maysa a genuine P1,000 bill ken maysa a boodle P1,000 a nausar kas buy bust money, dua a pidaso ti improvised glass tube tooter, maysa nga open plastic sachet ken maysa a green lighter.
Ti pannakaarestar ket babaen iti paagbibinnulig ti Laoag City Police Station kas lead unit, Provincial Drug Enforcement Unit, Ilocos Norte Provincial Police Office (PDEU INPPO), Provincial Intelligence Unit, Ilocos Norte Provincial Police Office (PIU INPPO), Regional Intelligence Division, Police Regional Office 1 (RID PRO1) ken dadduma pay.
