LAOAG CITY – Pimmasa ti lokal a gobierno ditoy ciudad ti Laoag iti 2024 Good financial housekeeping.
Segun ken ni Ms. Chariz Garma, mangidadaulo ti Department of interior and Local Government ditoy ciudad ti Laoag a daytoy a pammigbig ket dakkel manen a pakaidayawan ti ciudad.
Inbatadna a dimmalan ti lokal a gobierno iti napintas a panag-comply kadagiti regulasyon ti Commission on Audit isut gapuna a nagun-od da daytoy.
Impakammo na a ti Good Financial Housekeeping ket addaan ti dua a kriteria, umuna iti daytoy ket no ti audit opinion nga inrender ti Commission on Audit ket unmodified ket makwalipikar da, ngem no ti opinion ket adverse kayat na a saw-en saan da a na-meet tay rules and regulations ti ahensya.
Ti maikadwa ket ti panag-comply da iti full disclosure policy nga inmandate ti local government units a dagiti amin a financial documents ket nakailanad iti report ken assessment ti maysa nga a manisipalidad wenno ciudad.
Malaksid iti dayta ket masapol pay a maipasa ti maysa a local government unit ti annual budget da.
Kabayatanna, inpasingked ni Garma iti agtultuloy a panagkikinamayet dagitoy tapno ad-ado pay a pammadayaw ti magun-od iti lokal a gobierno ditoy ciudad ti Laoag.
