LAOAG CITY – Nagkari ti Malakanyang a tungpalen da ti agbalin a pammilin ti Korte Suprema mainaig iti Philippine Health Insurance Corporation (PhilHealth) budget.
Inrakurak daytoy ni Palace Press Officer Undersecretary Atty. Claire Castro iti press briefing iti Malakanyang.
Immunan nga inreport ni Supreme Court Associate Justice Antonio Kho. Jr. a panawenen tapno i-overhaul ti Philippine Health Insurance Corporation (PhilHealth) karaman ti pannakasukat ti board kalpasan ti pannakapaay na a nangtungpal iti mandato ti linteg mainaig iti panangusar ti pondo na.
Inaramid daytoy ni Kho iti maikatlo a rikos ti oral argument dagiti petisyon a mangkwes-kwestyunar ti konstitusyonalidad ti PhilHealth fund transfer iti national treasury.
Ditoy a kwinestyunaran ni Kho no kasanu nga inaramid ti PhilHealth ti budget request na iti General Appropriations Act (GAA) a masapol nga aggapo kadagiti koleksyon ti buwis, karaman iti sin taxes ken gaming revenues, nga imanmandar ti linteg.
Inadmitir ni Department of Health (DOH) Spokesperson Assistant Secretary Albert Domingo a in-compute ti PhilHealth ti budget request na basar iti bilang dagiti indirect members iti database da ken saan a naibasar iti computation iti sin tax allocation.
Gapu iti daytoy, kwinestyunaran ni Kho ti PhilHealth no iyaleng-aleng na ti legal funding sources na, a sinungbatan met ni Domingo nga iyun-una laeng ti prinsipiyo ti panag-budget ti PhilHealth dagiti agkasapulan a nakabasar iti alokasyon imbes a mangnamnama laeng kadagiti namnamaen a mapastrek ti gobierno.
Inkalintegan met ni Jho a ti Self-imposed funding limits ti PhilHelath ket nanglapped iti state insurer a naan-anay a maipaay ti healthcare needs dagiti Pilipino.
