LAOAG CITY – Saan a nakaatendar ni Pope Francis iti panangrugi ti kuaresma.
Daytoy ket kalpasan a napaay a saan a naiduloan ti pannakaselebrar ti maysa a nasantoan a misa iti umuna nga aldaw ti kuaresma gapu iti agtultuloy pay laeng a panagimbagna iti ospital.
Naammoan nga uray ‘stable’ ti agdama a kasasaad ti Santo Papa ket agtultuloy latta ti pannakilabanna iti sakit daytoy a double pneumonia.
Kageddan ti panagserrek ti panawen ti kuaresma, ginutigot ni Rev. Fr. Rico John Bilangel, rektor ti Baclaran Church a kanayon nga iraman iti kararag dagiti Pilipino a Katoliko ni Pope Francis.
Kunana a kas mangidadaulo ti Simbaan Katolika ni Pope Francis, napateg nga ikararagan isuna tapno maitultuloyna dagiti responsibilidad kas Santo Papa.
Kabayatanna, mamati a ti nasao a rektor a nasken nga ipaayan ti pateg ti panagkararag para kadagiti pada a tao ita a panawen ti kuaresma kageddan ti panagkararag para iti alisto a panagimbag ni Pope Francis.
