LAOAG CITY – Kinumpirmaran ni FIFA president Gianni Infantino a maaddaanda ti half-time show ti 2026 men’s World Cup.
Daytoy ti umuna a gundaway a maaddaan ti halftime show a ti agbalin nga host ti World Cup ket ti Estados Unidos.
Naammoan a ti Canada, Estados Unidos ken Mexico ti agbalin host ti World Cup inton sumaruno a tawen ken ti finals ket maisayangkat iti Metlife Stadium iti New Jersey inton Hulio 19, 2026.
Ibilang ni Infantino a maysa a pakasaritaan ti nasao nga half-time show.
Kabayatanna, kasarsaritada ti banda a Coldplay a tumulong iti panangisayangkat ti halftime show.
