LAOAG CITY – Ginutigot ni Presidente Ferdinand Marcos Jr. dagiti lokal a gobierno nga agpuunan iti nutrisyon kangrunaan na dagiti masikog nga inna iti masakupan da.
Inpetteng ti presidente ti kinapateg iti pannakaipatungpal dagiti addang wenno tinawen a plano para iti nutrisyon ti kada lokal a gobierno.
Kuna na pay a napateg ti human capital gapu ta daytoy ti tulbek iti naballigi nga human nature.
Segun ken ni Presidente Marcos, baybay-an a ti best practices ti lokal a gobierno iti panangilungalong ti usto a nutrisyon ti umili ket agserbi nga inspirasyon iti dadduma ken tuladen ti ad-ado pay kangrunaan na dagiti adda iti adayo a lokalidad tapno masolbar ti problema ti pagilian iti malnutrisyon.
Inpaganetget pay ti presidente a ti umiso a nutrisyon ket saan laeng a maala iti taraon no di ket karaman iti panangipasigurado nga adda ti nadalos ken natalged nga aglawlaw ken natalinaay a panagbiag.
Innayon na a kasapulan a pagpannurayen ti disiplina iti amin nga oras tapno maragpat ti maysa a pudno a natalna ken nasalun-at a kagimongan.
