LAOAG CITY – Nagun-od ti maibilang kas iron-stomached speed eater ti Guinness World Record babaen iti pannangan na ti 25 a Carolina reaper chili peppers iti uneg laeng ti 4 a minutos ken 36.26 seconds.
Ni Mike Jack, ket mabigbig kas Canadian YouTuber gapu iti kinalaing na a mangan kadagiti naadat a taraon.
Ti Carolina reapers ket addaan ti Scoville Heat Units measurement nga agarop 1,641,183, a maibilang kas hottest chili peppers iti lubong.
Inadmitir ni Jack nga arigna nakalaklaka laeng ti ar-aramiden na a pannangan ti maibilang a kaadatan a sili iti intero a lubong, ngem ti kinapudno na ket arigna mapuuran ti bagina gapu iti sakit a marikrikna na nga itunda ti nakaro a kinaadat ti sili.
Ni Jack ket addaan ti multiple Guinness World Records titles, ngem saan nga isu amin ket gapu iti pannangaran na ti naadat no di ket iti napalabas a tawen ket nakagun-od ti titulo kalpasan iti panaginom na ti Capri Sun juice pouch iti uneg laeng ti 21.71 seconds babaen ti panagusar na iti paper straw.
