LAOAG CITY – Adu ti nakigtot kalpasan a napaay ti No. 3 Cignal HD iti No. 10 Galeries Tower iti qualifying round ti 2024-25 Premier Volleyball League(PVL) All-Filipino Conference.
Daytoy ti nangitunda ti pannakaregreg ti HD Spikers iti play-in tournament no sadinno nga insigida nga inabakda ti Capital1 Solar Spikers, 25-21, 22-25, 25-17, 25-15, iti Pool A.
Iti nasao a panangabak ti HD Spikers ket bimmida ni star hitter Vanie Gandler ti 20 points malaksid iti 14 excellent receptions.
Adda ti 18 execellent digs ti agtawen ti 28 a ni Macandili-Catindig para iti depensada.
Kumpiansa ni coach Shaq delos Santos a makastrek iti Cignal iti best-of-three quarterfinals series a kabinnalubal ti Petro Gazz.
Kasapulanda laengen nga abaken ti ZUS Coffee inton bigat, aldaw ti Martes iti PhilSports Arena idiay Pasig City.
