LAOAG CITY – Napadayawan dagiti female boxers Nesthy Petecio ken Aira Villegas kas Athletes of the Year iti 2025 Philippine Sports Commission All-Women Sports Awards 2025 a naisayangkat iti Century Park Hotel idiay Manila.
Naipaay kada Petecio ken Villegas ti nasao a pammigbig kalpasan nga agpada a nakagun-od ti bronze medal iti Paris Olympics a naiwayat iti napalabas a tawen idiay France.
Personal nga inawat ni Petecio ti award no sadinno a nagpanawagan daytoy kadagiti padana nga atleta nga agtultuloy nga agbalin nga inspirasion kadagiti agtutubo nga atleta.
Iti pakabuklan, adda ti 141 a Pinay athletes ti napadayawan iti programa a proyekto ni Philippine Sports Commission (PSC) commissioner Olivia ‘Bong’ Coo.
Naited met ken ni jiu-jitsu fighter Meggie Ochoa ti Lifetime Achievement Award gapu iti kontribuiyon daytoy iti Philippine sports.
Nakagun-odti balitok a medalya ni Ochoa iti World Championships idi 2018 idiay Maimo, Sweden ken idi 2022 iti Abu Dhabi idiay United Arab Emirates.
