LAOAG CITY – Umabot iti 12 a tattao ti natay kalpasan a nagswek ti nagluganan da nga eroplano iti Caribbean coast iti Honduras.
Ti nasao nga eroplano nga op-operaren ti Honduran airline Lanhsa ket nagswek iti kabaybayan, maysa a minuto kalpasan a nagtayab manipod iti isla ti Roatán.
Inbatad ti Honduran national police ken ti fire department nga adda ti lima nga indibidual a naisalakan da idinto a maysa ti nagtalinaed a mapukpukaw.
Agpapan ita ket saan pay a masinunuo no ania ti nagswekan ti nasao nga eroplano.
Agtultuloy ti imbestigasyon ti Honduran Civil Aeronautics Agency mainaig iti nasao a pasamak.
