LAOAG CITY – Saan nga agadayo ti kapadasan ti South Korean actor a ni Kim Soo Hyun ken ti Flipino actress-TV host a ni Kim Chiu.
Ti popularidad ni Kim Soo Hyun iti Pilipinas ti rason isu a snuportaran dagiti Pilipino dagiti mapaspasamak a kontrobersia a sangsangoenna iti agdama.
Daytoy ket adda ti pakainaiganna iti pannakaibutaktak ti relasionda idi iti pimmusay nga aktres a ni Kim Sae Ron.
Basar kadagiti rumrummuar a report, menor de edad wenno agtawen ti 15 pay laeng idi ni Kim Sae Ron idi nagbalin a duada ken ni Kim Soo Hyun nga agtawen idi ti 27.
Idi un-unana ket naiget a paglibakan ti kampo ni Kim Soo Hyun a nakarelasion daytoy ni Kim Sae Ron.
Kabayatanna, kalpasan a naiparuk-at dagiti ladawan ti dua ket inadmitir ti kampo ni Kim Soo Hyun a nagkarelasionda ken ni Kim Sae Reon.
