LAOAG CITY – Malpas ita a tawen ti Solar Power Irrigation Project nga inpaay ti Department of Agrarian Reform iti Provincial Government of Ilocos Norte.
Daytoy a proyekto ket agbalor ti 50 a milyon a pisos a pundo manipud iti nasao nga ahensia.
Basar iti gobierno probinsial, saan laeng a dagiti benepisiario ti mabalin nga agusar iti maestablisar a Solar Power Irrigation Project ngem amin dagiti mannalon nga addaan ti pagtatalonan iti asideg ti nasao a proyekto.
Mainaig iti daytoy, posible a mangipaay pay ti Department of Agrarian Reform ti nayon a proyekto kalpasan daytoy.
Immuna iti daytoy, nakipinnirma iti Memorandum of Agreement ti gobierno probinsial iti Department of Agrarian Reform nga inbagian ni Agrarian Reform Sec. Conrado Estrella III.
