LAOAG CITY – Maysa nga aso iti Pittsburgh, United States America ti nangkaan ti $4,000 wenno katukad ti P222,000 a kuarta ti amona.
Inbatad da Clayton ken Carrie Law, napasamak ti insidente idi ipapaurnusda ti alad ti pagtaenganda.
Nagkiddaw dagiti agar-aramid ti alad a cash ti ibayad kadakuada isu a nagsagana dagiti agasawa ti maysa nga envelope a naglaon ti $4,000.
Apag-biit nga inbati ni Clayton ti envelope iti kusina ngem idi agsubli daytoy kalpasan ti 30 a minuto, nakitana a ngalngalngalenen ti 7-year-old goldendoodle a ni Cecil dagiti kuartada.
Insigida nga innala dagiti agasawa dagiti napigpigis a kuarta iti datar ken inlemmengda dagiti paset iti intact nga adda pay laeng ti serial number-na. Iti karabianna, in-vomit ni Cecil dagiti sumagmamano a dollar bills.
Iti simmaruno nga aldaw, naanus a pinadaanan dagiti agasawa ti panagrugit ni Cecil tapno maala dagiti amin a kinnan daytoy a kuarta.
Naammoan a kalpasan ti dua nga aldaw, naalada ti $3,550 a gatad ti kuarta manipud iti panag-vomit ken rugit ni Cecil a dagusda nga inpasukat iti bangko.
Ti nabati a $450 a sobra a nadadael ken saanen a makita ti serial number ket padasenda nga ipatulod iti United States Treasury Department iti namnama a suktan ti ahensia dagitoy.
