LAOAG CITY – Kalikagum ti Philippine Health Insurance Corporation (PhilHealth) nga ipangato ti coverage iti hospital bills dagiti miembro daytoy ti 18 a porsiento ita a 2025 ken mapagablin a 28 a porsiento inton 2028.
Daytoy ti inrakurak ti PhilHealth iti agtultuloy nga oral argument iti Supreme Court mainaig iti kontrobersial nga P89.9-billion excess reserve funds ti PhilHealth nga inyakar iti national treasury.
Iti oral argument, inbatad ni Associate Justice Jhosep Lopez ti kapadasanna idi 2023 no sadinno ti binayadan laeng ti PhilHealth ket P50,000 iti hospital bill-na a dumanon iti P7 million.
Gapu iti daytoy, inadal ni Lopez no ania ti ideal case rate ti PhilHealth tapno masolbar ti gagem layunin ti Universal Health Care Act nga awan ti pamilia a Pilipino ti agdusa gapu iti rikriknaenna a sakit.
Kuna met ni PhilHealth Senior Vice President Renato Limsiaco Jr. a target ti PhilHealth ita a 2025 a ma-cover ti 18 percent ti hospital bill ti miembro ken maipangato pay ti coverage ti 28 percent iti 2028.
