LAOAG CITY – Inpaganetget ni Presidente Ferdinand Marcos Jr. ti kinapateg a mai-promote ti Filipino native delicacies ken cuisines para iti “experiential tourism.”
Inrakurak daytoy ti Chief Executive kabayatan ti panangidaulo na ti kick-off celebration ti 2025 Filipino Food Month iti Quezon Provincial Capitol.
Inlawlawag ni Presidente Marcos a ti kayat dagiti turista ket adda ti makitkita ken dagiti ar-aramiden da a mangparagsak kadakuada.
Innayon na a dakkel a banag a maiyam-ammo kadagiti turista dagiti taraon dagiti Pilipino.
Kuna pay ti presidente a maawatan dagiti foreign travelers ti kultura ti Pilipinas no padasen da ti mangan kadagiti ‘pagkaing pinoy’ kadagiti lugar a pagturturungan da.
Mangnamnama ti presidente a padasen dagiti turista ti nalatak a ‘delicacies ken cuisines’ iti pagilian, karaman ditoyen ti dinengdeng iti Ilocos, sisig iti Pampanga, laing iti Bicol, ken lechon iti Cebu.
