LAOAG CITY – Adda ti P5.2 bilyon a dividends a naikeddeng nga i-remit ti Philippine Ports Authority (PPA) iti national treasury para iti 2024 a nangatngato ti P5.06 bilyon idi 2023.
Ti remittance ket 54% ti net earnings ti ahensia basar iti 2024 Unaudited Financial Statements.
Agtultuloy a dumurdur-as ti birok ti Philippine Ports Authority a dumanon iti P27.64 bilyon idi 2024, 8.61% a nangatngato maidasig iti 2023.
Ita a 2025, target ti Philippine Ports Authority ti panaglippas kadagiti proyekto iti Salomague Port idiay Ilocos Sur, San Andres Port idiay Catanduanes, Banago Port sa Negros Occidental ken Balingoan Port idiay Cagayan de Oro.
Adda ti nakalinya a cruise ship ports idiay Coron, Palawan; Buruanga, Aklan; ken Mambajao, Camiguin.
Dimmur-as pay ti container traffic iti 7.82 million TEUs, cargo throughput iti 289.52 million metric tons ken ship calls iti 621,807 idi 2024.
