LAOAG CITY – Agpada a rugian ti TNT Tropang 5G ken Barangay Ginebra ti kampaniada iti Season 49 PBA Philippine Cup inton Abril 23.
Makalaban ti Tropang 5G iti kalikagumda a PBA Grand Slam ti sister team nga NLEX Road Warriors iti oras ti alas singko ti malem idinto a kalabanen ti Gin Kings ti Terrafirma Dyip iti oras ti 7:30 ti rabii iti Smart Araneta Coliseum.
Nangrugi ti TNT iti panagballigida iti napalabas a PBA Commissioner’s Cup no sadinno nga inabakda ti Ginebra iti best-of-seven championship series.
Immunan nga inabak ti Tropang 5G ti Gin Kings iti napalabas a PBA Governors’ Cup Finals.
Naammoan a kas panagsagsagana ti Philippine Cup nga indauloan ti Meralco Bolts kontra iti San Miguel Beermen ket simrek iti Tropang 5G iti Inspire Sports Academy idiay Calamba, Laguna.
Rinugian met ti Ginebra ni mentor Tim Cone ti ensayoda para iti gagem a makaay-ayam manen iti PBA Finals.
Kabayatanna, pinatawan ti PBA ni Phoenix big man Larry Muyang ti maysa nga indefinite ban gapu iti panagay-ayamna iti Pampanga Giant Lanterns iti MPBL.
