LAOAG CITY – Maysa ni Judy Ann Santos kadagiti nakaawat ti Annual Achievement Award iti 3rd Parangal ng Sining ng Film Development Council of the Philippines (FDCP).
Napadayawan ni Judy Ann ti Film Development Council of the Philippines gapu iti balligina iti 45th Fantasporto International Film Festival a naiyuswat manipud idi Pebrero 28 agingga iti Marso 8, 2025 idiay Batalha Centro De Cinema, Porto, Portugal.
Ni Judy Ann ket napadayawan kas best actress iti international film festival para iti naisangsangayan a panagakemna iti Espantaho.
Nupay kasta, saan daytoy a nakaatendar iti awarding ceremony ti Film Development Council of the Philippines gapu ta nagturong ti pamiliana idiay Hong Kong.
Ti Film Development Council of the Philippines Chair ken CEO a ni Jose Javier Reyes ti immawat iti nasao a pammadayaw para ken ni Judy Ann ken isuna ti nagpalawag mainaig no apay a saan a nakaatendar ti aktres iti 3rd Parangal ng Sining.
