LAOAG CITY – Natalged a nakaruar dagiti pasahero ti eroplano kalpasan a nauram ti paset ti makina daytoy.
Basar iti Federal Aviation Administration (FAA) a ti Delta Air Lines Flight 1213 ket rummuaren iti gate ti Orlando International Airport nga agturong idiay Hartsfield-Jackson Atlanta International Airport idi napasamak ti insidente.
Naammoan nga apaman a tumayaben ti nasao nga eroplano ket kellaat nga immapoy ti paset ti makina ti eroplano.
Kabayatanna, awan ti nasugatan kadagiti pasahero ken insigida dagitoy a naitaray iti sabali nga eroplano.
