LAOAG CITY – Inbasura ti Russia ti kiddaw ni Ukrainian President Volodymyr Zelensky a nasken nga iyalud-odda ti maysa a bulan ti umuna nga aldaw a maipatungpal a tallo nga aldaw a ceasefire.
Inbatad ni Kremlin spokesman Dmitry Peskov a narigat a mapatgan ti 30 nga aldaw a ceasefire agingga nga adu dagiti saludsod ti nasken a sungbatan.
Immuna it daytoy, inpetteng ni Zelensky a maysa a manipulation ni Russian President Vladimir Putin ti tallo nga aldaw a ceasefire manipud inton Mayo 8 agingga iti Mayo 10.
Naammoan a ti nasao a ceasefire ket naigiddan ti 80th anniversary ti panagballigi ti Russia iti Nazi Germany idi World War II.
Maipalagip a mapukpukawanen ti namnama ti Estados Unidos iti kinabayag a maaddaan ti ceasefire iti nagbaetan ti dua a pagilian.
