LAOAG CITY – Balligi a naarestar ti maysa a vendor a maibilang a Most Wanted Person a Top 3 iti Provincial Level iti Barangay 2 San Roque iti ili ti Vintar.
Nabigbig ti suspek a ni Ramon Quilatis De Vera, agtawen ti 65, naasawaan, tubo idiay Malasique, Pangasinan ngem agdama nga agnanaed iti Barangay 2 San Roque iti ili ti Vintar.
Natiliw ti suspek babaen ti nagtitipon a puersa ti Vintar Municipal Police Station kas lead unit, INPPO PIDMU, INPPO PIU ken INPDEU.
Kabayatanna, ti Warrant of Arrest ket inparuk-at ni Hon. Bonhoefer Vergara Bernardez, Presiding Judge, Familly Court, First Judicial Region, Branch 4 ditoy siudad ti Laoag gapu iti panaglabsing iti Statutory rape nga awan ti nairekomendar a piyansana ken Sexual assault a nairekomendar ti 200 a ribu a pisos a piyansana para iti temporario a pannakawaya-wayana.
