LAOAG CITY – Saan a pinatgan ti Commission on Elections (Comelec) ti kiddaw ti European Union Election Observation Mission a mapalubusan da a sumrek kadagiti polling places kabayatan ti 2025 midterm elections intono Lunes, Mayo 12.
Inrakurak daytoy ni Comelec Chairman George Garcia maysa nga aldaw kalpasan nga inbatad ni Europen Poll observers’ chief Marta Temido a ti trabaho da ditoy Pilipinas ket naannayas.
Segun ken ni Garcia, inlawlawag na iti European Union Observers a ti kiddaw da ket mailabsing iti paglintegan iti Pilipinas.
Innayon ni Garcia nga uray dagiti staff ti Commission on Election ket saanda a basta mabalin ti sumrek iti polling precincts.
