LAOAG CITY – Ibilang ti White House a balligi ti naisayangkat a panagbisita ni United States President Donald Trump.
Daytoy ket kalpasan a dumanon iti $600 bilyon a gatad ti investment ti naukkon ni Trump iti panagbisitana idiay Saudi Arabia.
Karaman iti katulagan ti $142 bilyon a gatad ti arms deal iti nagbaetanda ti Saudi Arabia.
Daytoy ti kaunaan a gundaway a bimmisita ni Trump idiay Saudi Arabia iti maikadua a terminona.
Dinayaw ni Trump ni Saudi crown prince Mohammed bin Salman gapu iti napintas nga inaramidna idiay Saudi Arabia.
Naammoan a gapu kadagiti investment a naala ni Trump ket inpannakkelna nga agtultuloy ti panagdur-as idiay Estados Unidos.
