LAOAG CITY – Inbatad ni Transportation Secretary Vince Dizon a kalikagom ni Presidente Ferdinand ”Bongbong” Marcos Jr. a maipangato ti insurance ti public utility vehicles kalpasan ti nagsasaruno a disgrasya iti kalsada a nakairamanan dagitoy.
Segun ken ni Dizon, gagem ti presidente a maipasigurado ti kinatalged dagiti pasahero aglalo ket agbaybayad dagitoy iti plete da
Kuna pay ni Dizon a kayat ni Presidente Marcos a maipada ti insurance ti pribado ii Public Utility Vehicles.
Inpalgak a nakapinpintas daytoy nga ideya isut gapuna nga ikarigatan da nga ipatungpal ken kasarita da ti Land Transportation Office ken Land Transportation and Franchising Regulatory Board mainaig iti nasao nga addang.
Inpakaammo ni Dizon a pagsasaritaan da daytoy a banag kadagiti bus companies ke Public Utility Vehicle operators tapno madeterminar no kabaelan da ti mangipaay ti nangatngato nga insurance.
Innayon na a ti desisyon seknan iti daytoy nga addang ket maipruk-at sakbay nga agngudo ti tawen.
