LAOAG CITY – Nalpasen ti kaunaan a panagsinnarita ti Russia ken Ukraine.
Iti naisayangkat a panagsinnarita dagiti pannakabagi ti dua a pagilian a naiyuswat idiay Turkey ket natalantan ti naan-anay a panaglippas ti sumurok tallo a tawen a riribuk.
Naammoan a dagiti sumagmamano a napagnunumoanda ket ti panagkiddaw ti Russia a malpas laeng ti rinnupak no ited ti Ukraine ti daga a konkontrolenda.
Mainaig iti daytoy, kalpasan ti panagsinnarita ket tinawagan dagiti lider ti United Kingdom, France, Germany ken Poland da Ukrainian President Volodymyr Zelensky ken United States President Donald Trump.
Kinontra dagiti nasao a pagilian ti kiddaw ti Russia ken inawaganda a saan a nainkalintegan.
Mamati dagiti opisial ti Turkey no sadinno a naiyuswat ti panagsinnarita ti dua a pagilian a posible a sumaruno a maisayangkat ti personal a panagsango da Russian President Vladimir Putin ken Ukrainian President Zelensky.
Immunan nga inrakurak ni Trump a saan a maaddaan ti naan-anay a ceasefire agingga a saanna makasarita ni Putin.
