LAOAG CITY – Dumanon iti 87.39% ti voters turnout wenno katukad iti 72,757 a bilang dagiti nagbutos ditoy siudad ti Laoag.
Segun ken ni Atty. Julius Balbas, Election Officer ditoy siudad ti Laoag, daytoy a bilang ti voters turnout wenno ti bilang dagiti nagbutos ditoy siudad ti maysa a kangatoan maidasig kadagiti naglabas nga eleksion.
Inlawlawagna a gapu iti kaadda ti kalaban dagiti nagpaidasig a kandidato kangrunaanna iti youth voters isut gapuna a kastoy ti kaadu ti voters turnout ditoy siudad ti Laoag.
Nupay kasta, kunana nga agarup 82 a ribu amin ti registered voters ditoy siudad ngem adda latta dagiti saan a nagbutos pakairamanan dagiti nag-transfer iti pagbutosanna.
Kabayatanna, ibilang ti Election Officer a napintas ken naannayas ti nagbalin a midterm election ditoy siudad ti Laoag.
