LAOAG CITY – Inrakurak ti U.S. Department of Health and Human Services (HHS) nga inbabawi na ti $60 million a pondo para iti Harvard University kas pammilin ni US President Donald Trump gapu iti maipagarop a pannakapaay ti unibersidad a nangsolbar ti antisemitism ken diskriminasyon para kadagiti katutubo a kultura iti kampus.
Segun iti Department of Health and Human Services, ti nasao nga addang ket paset ti nalawlawag a kampanya ti gobierno kontra kadagiti unibersidad iti Estados Unidos nga ibilang da a naimpluwensyaan dagiti makattigid.
Basar iti datos manipod idi Enero ti agdama a tawen, agarop $3 billion ti naibabawin a pondo para iti Harvard.
Kinondenar met ti Harvard ti nasao nga addang gapu iti maipagarop a panagbaybay-a iti diskriminasyon kontra kadagiti estudyante nga Hudyo, mainaig kadagiti pro-Palestinian a tignay-protesta iti napalabas a tawen.
Inakusaran pay ti unibersidad ti agtultuloy a panangus-usar ti lahi iti admission process.
