LAOAG CITY – Nangiyuswat ti inspeksyon kadagiti playing venues ni Undersecretary Malcom Garma, ti Secretary General ti Palarong Pambansa kadwa na ti National Working Committee.
Inbatad ni Mr. Gene Reginaldo, Sports Supervisor ti Department of Education – Schools Division Office of Ilocos Norte nga iti panaginspeksyon da kadagiti playing venue ket adda laeng dagiti inrekomendar ni Undersecretay Garma tapno masigurado nga ad-adda pay a natalged dagiti atleta kangrunaan na iti boxing.
Inlawlawag na a gapu ta ado dagiti mayat nga agbuya ken agpupusta no maipapan iti ay-ayam a boxing ken sentro iti iti ciudad ti Batac ti pakaiwayatan na ket inrekomendar ni Garma a maikkan ti nayun a barikada ti venue.
Innayon ni Reginaldo nga inlungalong pay ni Garma ti nayun a police visibility tapno masigurado ti kinatalged ti amin.
Kabayatanna, inbatad ni Reginaldo nga iti biang met ti football, basketball ken softball ket awan ti negatibo a komento ni Garman gem inrekomendar na laeng a dagiti technical officials ken coaches ket obserbaren da ti window hour.
Kayat na a sawen ti window hour ket no mapasaran ti extreme heat ket agsardeng ti ay-ayam manipod iti oras ti alas-diyes ti bigat agingga iti alas-dos ti malem.
