LAOAG CITY – Kalikagum ti Department of Education nga ad-adda pay a mapapigsa wenno mapaigetan ti implementasyon ti Physical education kadagiti pagadalan.
Daytoy ti nagbalin a rakurak ni USec. Malcolm Garma, kalpasan a naipakaammo nga awan unayen ti ma-break a record manipod kadagiti national athlete wenno iti palarong pambansa.
Kuna ni Garma, saan amin nga estudyante ket into sports, kasapulan pay laeng a dumalan dagitoy iti naananay a panagsanay, ken madevelop ti skills ken talent dagitoy.
Inlawlawag pay ni Garma, a dakkel ti nagbalin nga epekto ti pandemya iti benneg ti sports gapu ta arig na ket natengga dagitoyen.
Nupay kasta, inpasigurado na nga adalen da pay a nasayaat nu ana iti pagkurkurangan ti Department of Education iti pannakipatungpal ti Physical education tapno lalo pay a maawis wenno maallukpy dagiti estudyante nga makipaset kadagiti agduduma a tay-ak ti ayayam.
