LAOAG CITY – Inbutaktak ti Department of Homeland Security nga iligal a nakastrek idiay Estados Unidos ti suspek iti panangatakena idiay Coloroado.
Inbatad ni Department of Homeland Security Assistant Secretary for Public Affairs Tricia McLaughlin a ti suspek a ni Mohamed Sabry Soliman ket awan ti aniaman a dokumento a legal daytoy a nakastrek iti pagilian.
Idi Agosto 2022 idi simrek idiay Estados Unidos iti B2 visa ken daytoy ket nag-expired idi Pebrero 2023 no sadinno a nangipila daytoy ti asylum idi Septiembre 2022.
Basar iti imbestigasion dagiti otoridad a maysa a tawen a plinao ti suspek ti krimen.
Nagusar ti suspek ti flamethrower ken molotov cocktails nga adda ti walo nga indibidual ti nasugatan pakairamanan ti Holocaust survivor.
Gapu iti inisidente ket nagpanawagan ti Jewish community idiay Estados Unidos a nasken a maipaayanda ti proteksion tapno saanen a maulit pay ti insidente.
