LAOAG CITY – Itantandudo ti Department of Health – Region I ti safe sex tapno malapdan ti panagadu ti kaso ti Human Immunodeficiency Virus iti rehion.
Segun ken ni Dr. Paula Paz Sydionhco, Regional Director ti Department of Health-Region I, saan laeng a kadagiti babbai nga ipalpalagip da ti safe sex no di ket pakairamanan pay dagiti male to male intercourse.
Kunana a babaen iti safe sex ket malapdan ti panagwaras ti virus.
Innayon ni Sydiongco a ditoy rehiyon uno ket adda iti innem nga hub a para kadagiti naapektaran ti Human Immunodeficiency Virus.
Kabayatanna, inrakurak na a ti kangrunaan nga intervention nga ar-armiden da ket ti information dissemination campaign ken babaen ti tulong dagiti grupo da a mangiwaywayat ti Human Immunodeficiency Virus testing ken screening.
Inyunay-unay pay ni Sydiongco kadagiti addaan ti kastoy a sakit a saan da koma nga agalumiim ken agdudua a mapan agpakonsultar tapno maagasan ti sakit da ken saanen a maiwaras pay iti sabali a tao.
