LAOAG CITY – Adu a flights ti isla ti Bali idiay Indonesia ti nakanselar gapu iti panagalburuto ti bulkan a Lewotobi Laki-Laki.
Idi Mierkoles ket nagalburuto ti abo ti bulkan nga adda ti kangatona ti agingga iti 11 a kilometro.
Gapu iti daytoy, naipangato ti alerto ken naibakwit dagiti residente iti 7 kilometer radius manipud iti crater ti bulkan.
Dumanon iti 37 a fligths ti nakanselar gapu iti nasao a panagalburuto ti bulkan.
Awan ti nairekord a nasugatan ken natay iti nasao nga insidente.
Maipalagip nga idi Nobiembre iti napalabas a tawen idi nagalburuto ti bulkan no sadinno a siam nga indibidual ti pimmusay ken nagibakwit ti rinibu a residente.
