LAOAG CITY – Inpakaammo ni Engr. Rommel Batuac, Chief Operation ti National Irrigation Administration a naiget a sursuroten dagiti mannalon ditoy probinsia.
Segun kenkuana, ti cropping calendar ket isu ti agserserbi a pattern dagiti mannalon no sadinno daagiti irrigation systems iti dumaya a paset ti probinsia kas ti Solsona, Madongan, Papa ken Nueva Era ket nangrugin a nagmula dagitoy.
Inbatadna a saan met pay a nangrugi dagiti irrigation systems iti ili ti Dingras ken Dumalneg gapu ta adda ti napagtutulagan a naiget a masurot ti cropping calendar.
Kunana a babaen iti pannakaipatungpal ti cropping calendar ket ad-adda a naurnos ti panagpadanum dagiti mannalon kadagiti mulada.
Inlawlawagna a saan a mabalin nga alaen ti maysa a gunglo dagiti mannalon ti pagpadanum no saan a naikeddeng nga iskedyulna.
Innayonna nga awan met ti national irrigation systems iti umabagatan a paset ditoy probinsia kas iti ili ti Paoay ken iti siudad ti Batac no sadinno nga iyur-urayda ti tudo tapno makarugidan nga agbunubon.
