LAOAG CITY – Makitaripnong dagiti foreign ministers iti United Kingdom, France ken Germany iti Iranian counterpart da iti Geneva tapno alay-ayan ti mapaspasamak a tension iti nagbaetan ti Israel ken Iran.
Aramiden daytoy dagiti nadakamat nga opisyal kalpasan nga inrakurak ti White House nga agdesisyon ni President Donald Trump iti uneg ti dua a lawas no rumbeng a makikadwa iti Israel iti panangraot na iti Iran.
Iti panagtultuloy ti panagsinsinnukat ti air strikes iti nagbaetan ti Israel ken Iran ket inbutaktak ti Israeli forces a dinosdosena kadagiti puntirya da ti natamaanen kadagiti inpabanto da a missiles.
Naamoan a karaman kadagiti natamaan a target ti Israel ket ti manufacturing sites ti Tehran.
Kabayatanna, nagtalinaed ti takder ti Iran a saan a mangiparuk-at ti bilang dagiti casualties iti pagilian da ken awan dagiti mapalubusan a kameng ti media nga agirakurak iti aniaman a mapaspasamak iti nadakamat a pagilian.
