LAOAG CITY – Madanagan ti United Nations atomic watchdog a maaddaan ti nakaro nga epekto no tamaan ti Israel ti missiles-da ti nuclear facility ti Iran.
Inbatad ni International Atomic Energy Agency (IAEA) director Rafael Grossi a maaddaan ti nangato a panagruar ti radioactivity no natamaan ti Bushehr nga inaramid ti Russia a masarakan iti Gulf Coast.
Nagpanawagan daytoy iti insayangkat nga United Nations Security Council meeting a nasken nga agtignaydan tapno malappedan ti aniaman a panangatake.
Naammoan a mabalin a dagiti kaparanget a lugar iti Gulf Coast ket mairaman ti riribuk.
Inpasiguradoda ti naiget a panagbantay ken saan nga agaramid ti nuclear weapons ti Iran.
Maipalagip nga iti sumurok maysa a lawas a panagsinnukat ti missiles ti Iran ken Israel ket sumagmamano a sibilian ti nairamraman.
