LAOAG CITY – Nagpalagip ni Mr. Marcel Tabije, ti mangidadaulo iti Provincial Disaster Risk Reduction and Management Office kadagiti mangngalap ditoy probinsya a saanen a mapan agkalap no saan a napintas ti sasaaden ti panawen.
Inbatad na a no adda ti kalamidad kas ti bagyo, ken uray no napigsa ti tudo ken adda ti mapasaran a panagkimkimat ket kasayaatan no agtalinaed laengen iti uneg ti pagtaengan.
Kuna pay ni Tabije a babaen iti daytoy ket masigurado ti kinatalged ken maiyadayo iti possible a pannakairisgo dagiti mangngalap iti itatappog da iti baybay.
