LAOAG CITY – Balligi a naisayangkat ti Memorandum of Agreement Signing iti nagbaetan ti Local Government Unit ditoy siudad ti Laoag ken SM Cinema para iti pannakaipatungpal ti free movie kadagiti Senior Citizens ken Person’s With Disability.
Segun ken ni Mayor Michael Marcos Keon, naikeddeng iti aldaw ti Lunes ken Martes ti panagbuya ti free movie kadagiti Senior Citizens ken Person’s With Disability a residente ditoy siudad ti Laoag.
Inbatadna nga apaman a naglukat ti dakkel a mall ket dakkel a tulong iti panagdur-as ti ekonomia ken pannakaipaay ti trabaho kadagiti umili.
Mainaig iti daytoy, inpakaammo ni Ms. Karen C. Zabaljauregui, SAVP, SM Supermalls a dagiti umuna a 100 a Senior Citizens ken Person’s With Disability iti Lunes ken Martes ket isu ti maakomodar nga agbuya ti free movie.
Kunana a nasken laeng nga ipakitada ti Senior Citizens ID ken Person’s With Disability ID dagitoy no sadinno a mabalinda a maka-avail ti dua a free movie iti uneg ti maysa a lawas.
