LAOAG CITY – Agtultuloy ti panagmonitor ti Armed Forces of the Philippines (AFP) kadagiti developments iti Middle East gapu iti agtultuloy a tensyon iti nagbaetan ti Iran ken Israel.
Iti press briefing a naiyuswat iti Villamor Airbase, kinumpirmaran ti Armed Forces of the Philippines Spokesperson Colonel Francel Margareth Padilla a nakasagana da a mangbayabay kadagiti Pilipino nga agkasapulan ti tulong gapu iti agtultuloy a tensyon iti Middle East.
Inbatad na a nakasagana da para iti possible a repatriation kadagiti Pilipino a maip-ipit iti agtultuloy a riribok.
Innayon na a dagus da nga agtignay basar iti agbalin a direktiba ken ti pagannurutan dagiti higher civillian authorities.
Kuna na pay a nakasagana aminen nga assets da nga usaren ti gobierno a pangibakwit kadagiti Pilipino kas maiyataday iti direktiba ni Presidente Ferdinand Marcos Jr. kas Commander in Chief.
