LAOAG CITY – Dinayyeg ti magnitude 6.9 a gingined ti abagatan a paset ti Pilipinas ita nga aldaw, Hunio 28, 2025 iti agarup 7:07 ti bigat.
Basar iti kaudian a damag dagiti Seismologist, ti gingined ket adda ti kaunegna a 10 a kilometro ken ti epicenter daytoy ket masarakan nga adda ti kaadayona a 98 a kilometro iti abagatan a daya ti Sarangani Island idiay Sarangani, Davao Occidental.
Naammoan a dagiti nairekord nga Instrumental Intensity ket dagiti sumaganad:
Intensity V
– Malungon, Sarangani
Intensity IV
– Kiamba, Sarangani
– General Santos City, South Cotabato
Intensity III
– Magsaysay, Davao del Sur
– Davao City
– Matanao, Davao del Sur
– Don Marcelino, Davao Occidental
– Nabunturan, Davao de Oro
– Gingoog City, Misamis Oriental
– Maasim, Glan, Maitum, Sarangani
– T’Boli, Surallah, Banga, Koronadal City, South Cotabato
– Lambayong, Sultan Kudarat
Intensity II
– San Fernando, Bukidnon
– Balingasag, Misamis Oriental
– Norala, Santo Niño, South Cotabato
– President Quirino, Esperanza, Columbio, Bagumbayan, Sultan Kudarat
– Bislig City, Surigao del Sur
Intensity I
– Cabadbaran City, Agusan del Norte
– Kalilangan, Bukidnon
– Carmen, Banisilan, Cotabato
– Cagayan de Oro, Misamis Oriental
– Isulan, Sultan Kudarat
– Zamboanga City, Zamboanga del Sur
Mainaig iti daytoy, bayat a maisursurat daytoy a damag ket awan ti nairekord a nadadael wenno nadangran gapu iti gingined ngem agtultuloy ti panangmonitor dagiti otoridad ti situasion.
Nabalakadan ti publiko nga agbalin a naridam kadagiti posible nga aftershocks ken suruten dagiti abiso manipud kadagiti lokal a gobierno.
