LAOAG CITY – Silulukat ti Malakanyang a mangsuporta ti nailungalong a linteg a gagem na nga i-regulate ti panagusar ti internet dagiti agtutubo.
Daytoy ket kalpasan nga inpila ni Senador Ping Lacson ti gakat a gagem na a mapaigetan ti internet access dagiti menor de edad gapu iti potensyal nga epekto na iti mental health basar kadagiti panagadal.
Segun ken ni Palace Press Officer Claire Castro, aniaman nga addang a pagsayaatan ti publiko kangrunaan na dagiti agtutubo ket mabalin nga awaten ti administrasyon.
Innayon ni Castro a no mapaneknekan a makatulong ti nailungalong a gakat iti mental well-being dagiti agtutubo ket namnamaen a makaala daytoy ti suporta manipod ken ni Presidente Ferdinand Marcos Jr.
