LAOAG CITY – Inpakaammo ni Acting General Manager Perry Martinez iti Ilocos Norte Electric Cooperative a nasurok a 105-milyon a pisos ti naiyabonar ti kooperatiba sipud idi Pebreo tapno mapagtalinaed a nababa ti bayad ti kuryente ditoy probinsya.
Inlawlawag na a ti ipatpatungpal da a bayad ti per Kilowatt Hour ket saan nga isu ti aktwal no diket dakdakkel.
Nupay kasta, inbatad na a masapol a sukatan da dagiti naiyabonar da isut gapuna nga adda ti 3 a pisos a mainayun iti bayadan ti kuryente dagiti member-consumers.
Kunana a saan a mammaminsan ti panangbayad iti daytoy no di ket pagkapaten ti kooperatiba tapno saan a nadagsen para kadagiti member consumers.
Segun kenni Martinez, masapol nga agtalinaed ti 285 a working capital ti kooperatiba isut gapuna a kasapulan a maisubli ti 105-milyon tapno agtalinaed a triple A ti Ilocos Norte Electric Cooperative.
Inpakaammo na a no triple A ti maysa nga electric cooperative ket al-alisto a makautang iti bangko tapno adda ti mausar para ti pannaka-updgrade dagiti pasilidad ken dagiti substation.
Gapu iti daytoy, para iti a bulan ti Hunyo ket 11.61 ti kada kilowatt hour ti bayadan iti kuryente imbes a 10.61 iti kada kilowatt hour.
Kabayatanna, nagpadespensar ni Martinez kadagiti member-consumers ken kadagiti political leaders gapu iti daytoy a temporaryo a pannakaipangato ti bayad ti kuryente ditoy probinsia.
