LAOAG CITY – Bumisita ni United States special envoy to the Middle East Steve Witkoff idiay Gaza inton bigat, aldaw ti Sabado, Agosto 2.
Ti nasao a panagbisita ket kagiddan ti balligi a pannakitaripnongna ken ni Israeli Prime Minister Benjamin Netanyahu.
Inbatad ni White House Press Secretary Karoline Leavitt a mangiwayat ti inspeksion ni Witkoff kadagiti maisaysayangkat a distribution site a tulong idiay Gaza.
Mangisayangkat pay daytoy iti panangipaay ti tulong kadagiti residente ti Gaza.
Immuna iti daytoy, sumagmamano a kaalyado ti Estados Unidos a pakairamanan ti Canada ken Portugal ket ikonsiderarda a bigbigen ti Palestinian state.
Maipalagip a saan a nagtungpal ti katulagan ti Hamas ken Israel iti ceasefire deal nga ilunglungalong ti Amerika.
