LAOAG CITY – Kinumpirmaran ti aktres a ni Bea Alonzo ti relasyon da iti negosyante a ni Vincent Co, agtawid iti mabigbig a supermarket chain, iti maysa nga interview kenkuana iti 2025 Gala idi rabii, Agosto 2.
Nupay inadmitir ni Bea ti relasyon da ken ni Vincent Co, inpetteng ti aktres a kayatna a pagtalinaeden a pribado ti detalye ti lovelife na.
Maipalagip nga iti napalabas a bolan ken nakita da Bea ken Vincent iti NAIA Terminal 1 a nagturong idiay Japan para iti maika-46 a kasangay ti negosyante.
Immuna a naipadamag nga agkadwa da idi Mayo kalpasan a naobserbaran dagiti netizens nga arigna naggiddan da iti maysa a biyahe iti Spain.
Sipud idi ket namin-ado a daras a nakita dagiti dua iti publiko, karaman ti maysa a private event kadwa na ni Heart Evangelista ken ti maysa a birthday greeting para ken ni Sen. Bong Go.
Nagatendar pay ni Bea kadagiti event ti negosyo ni Vincent idinto a sinuportaran met ti negosyante ti business launch ti aktres.
