LAOAG CITY – Inrakurak ni U.S. Attorney General Pam Bondi nga inpangato ti Estados Unidos iti $50 million ti reward money para iti impormasyon a makaitudo iti pannakaarestar ni Venezuelan President Nicolas Maduro, gapu iti maipagarop a pannakairaman na iti drug trafficking ken ti pannakikunsabo na kadagiti kriminal a grupo.
Iti maysa a video, inakusaran ni Bondi ni Maduro a makitintinnulong kadagiti mabigbig a sindikato kas ti Tren de Aragua en Sinaloa Cartel.
Inawagan met ni Venezuelan Foreign Minister Yvan Gil ti addang ti Estados Unidos a paset laeng ti “media circus” ti pagilian tapno paragsaken ti oposisyon iti Venezuela.
Immunan a naiparuk-at ti gunguna a $15 million idi 2020, kagiddan ti panangakusar ti U.S. prosecutors ken ni Maduro ti drug trafficking.
Nanayunan ti gunguna iti $25 million idi Enero 2025 kalpasan a nagsapata ni Maduro iti maikatlo a termino na, kagiddan ti baro a sanctions kontra kadagiti opisyal ti gobyerno.
