LAOAG CITY –Personal a nagturong ni Mayor James Bryan Alcid kadagiti nagduduma a barangay ditoy suidad ti Laoag kangrunaanna kadagiti coastal areas gapu iti epekto ti Habagat.
Impakaamona a kinitana mismo iti sitwasion ti fishport iti Brgy. Lapaz ken iti Metro Gabu ditoy suidad.
Mainaig iti daytoy, impasigurado ti Mayor ti agtul-tuloy a panag-monitor-da tapno makita ken masigurado ti kinatalged ti tunggal maysa pakairaman ti kinasagana dagiti residente.
Malaksid iti daytoy kunana nga adda pay ti agtul-tuloy a pannakaikat dagiti water lilies iti Brgy. Navotas tapno naannayas ti ayus ti danum ken saan nga maummong ti layus iti sentro.
Kabayatanna, impaakaamona pay ti panangidiaya ti lokal a gobierno ditoy suidad a libreng sakay para kadagiti umili.
