LAOAG CITY – Sakbay a makaipila ni Vice President Sara Duterte iti piyansa iti Quezon City Regional Trial Court (RTC) ita a malem ti Sabado, inlawlawag ni NBI Director Melvin Matibag a saan a nakaawat ti National Bureau of Investigation (NBI) iti kopia ti arrest warrant kontra iti bise presidente.
Segun kenni Matibag, naiturong ti warrant iti Philippine National Police (PNP) ken saan nga iti NBI.
Nupay kasta, kinunana a kas paset ti pagrebbenganda a pannakabagi ti linteg ket mabalin latta ti ag-arrest ti NBI no kasapulan ken maitunos iti linteg.
Kabayatanna, naipaayan ni VP Duterte iti lift order kalpasan a nagpyansa daytoy iti ₱120,000 para iti tunggal kaso ti grave threats a naipila kontra kenkuana.
